21 Abr Exposicións itinerantes “Fotografías pola igualdade 2023”
Xa deron comezo as exposiciós itinerantes do concurso Fotografías da igualdade no presente curso escolar.
Durante os meses de abril e maio de 2023, o alumnado de varios centros de ensino terán ao seu alcance, durante un par de semanas, a mirada doutros compañeiros e compañeiras ao respecto da igualdade. Procúrase deste xeito que a exposición fotográfica dé lugar a comentarios, interpretacións, impresións, pensamentos; ao final o que se pretende é que exista un debate sobre a igualdade.
O luns 17 de abril comezou a organización das exposicións da primeira quenda, no:
- IES de Sar (ANPA de Sar)
- EEI Milladoiro (ANPA Millapeques)
- CPI de Vedra (ANPA do CPI de Vedra)
- CEP Ventín (ANPA As Brañas – Ventín)
A segunda quenda comeza o 3 de maio nos seguintes centros:
- IES Antón Fraguas (ANPA Antón Fraguas de Santiago).
- CEIP Arquitecto Casas Novoa (ANPA Arquitecto Casas Novoa, A SIONLLA).
- CEIP Monte dos Postes (ANPA Monte dos Postes)
- CEIP Pío XII (ANPA A Ferradura)
E na terceira, inaugurarase o 22 de maio nos centros:
- CEIP de Roxos (ANPA do CEIP de Roxos)
- CEIP Raíña Fabiola (ANPA Sarela)
En paralelo, nestes centros estanse a realizar diferentes actividades complementarias (charlas, contacontos…) que xiran en torno á temática da igualdade.
